Good day good day

Skólinn byrjaður aftur, rólega lífið   Verður kannski strembið hjá mér undir lok skólaársins en núna er þetta bara smooth sigling.

Hringdi einhver stelpa í mig í gær og spurði mig hvort hún mætti taka við af mér í skólaráði, kom mér frekar mikið á óvart að einhverjum langi það mikið í þetta jobb að hringja og biðja um það því ég er búinn að sitja þarna í einhver 3 ár því enginn annar vildi taka þetta að sér. En ekkert nema gott um þetta að segja.

Búinn að minnka helling við mig á galito, verð að klára þessa önn með stíl og nenni ekki að taka einhverja sénsa, verð vonandi bara í rólegheitunum

Er skráður í stæ503 hjá bjarnþóri, búinn að mæta í 2 tíma og er strax búinn að fá uppí kok. Mórallinn í raf deildinni er oftast bara einsog á rólegum vinnustað, maður fær verkefni og klárar það á sínum tíma bara, enginn að amast í manni þó maður fari og fái sér að éta eða svari í síman eða eitthvað því það breytir einfaldlega ekki neinu um verkefnið. En að koma aftur útí bóknámsbrautar móralinn er alveg áskrift að þungyndi, þetta er svo strangt (og afhverju?) og svo þvingað að það liggur við að ég kafni við að sitja þarna. Ef það væri svona mórall á vinnustaðnum mínum mundi ég segja upp á staðnum.

Hverjum datt í hug sú regla að kennarinn ráði því hvort maður fari á klósettið? Hvern andskotan kemur það honum við? en jæja..

Kominn á nýjan bíl, yndislega ljótan benz sem litla frænka mín spurði mig hvort væri líkbíll   Nennti ekki þessu véseni að koma bílunum mínum í gegnum skoðun og vona að þeir fari í gang og svona þannig að ég keypti bara bíl sem er búið að fara vel með og á ekkert að fara að klikka, þó það sé erfitt að lofa þannig..

Ætla að fara að koma mér aftur í skólan, túdílú

Vá... hróarskelda er besti staður í heiminum held ég.. liggur við að fólk fái geislabauga með inngöngumiðanum

Þetta var liggur við trúarleg reynsla, síðast þegar eitthvað svona tónlistar furn hafði svona mikil áhrif á mig var þegar ég fór í fyrsta skipti á dúndurfréttir

þarna voru saman komin einhverjar 100.000 sálir, svo þétt pakkaðar saman að ég og palli löbbuðum í sirka 1 og hálfan tíma að leita að 2 fermetrum til að tjalda á DEGI ÁÐUR en hátíðin "byrjaði", og ég sá ekki einn einasta mann reiðan eða pirraðan eða neitt bara, allir bara eitt bros. Þegar maður var að labba í gegnum mannþröngina þá fékk maður ekki olboga eða bölyrði einsog á íslandi heldur voru allir uppteknir af því að koma manni greiðlega framhjá og kölluðu að manni "hav ein godt festival" eða eitthvað því um líkt og stelpur sem hefðu alveg komist í ungfrú vesturland gengu um og kysstu hvern sem fyrir varð... bara afþví þær langaði til

Ekki skemmdi veðrið fyrir.fyrir.fyrir.fyrir utan það að ég brann í klessu og er rauður einsog rækja og villimannlegur því ég ætla ekki að raka mig fyrr en á írskum dögum

Ef einhvern langar í gulllitaðan bimma sem hefur séð fleiri ár en helmingur skráðra nemenda í FVA þá má hann hirða hann fyrir kassa af bjór, (no joke, nenni þessu minnst).

Keypti smá glingur handa kvennfólkinu í kringum mig úti, þar á meðal 2 boli sem ég var að pæla í að kaupa sjálfur en langaði svo meira að gefa sólu. Er farinn að sjá svolítið eftir því...

En allavega,  ég og daði erum búnir að vera að vinna fyrir fyrirtækið Orkuvirki (ensk. Energy Fortress) sem er með rafmagnsmálin í stækkuninni í norðurál (sem fær versta stóriðju hugmynd síðan gullfossarvirkjuninn var og hét..næstum) og það er heavy fínt, helling að gera og svona, dagarnir hverfa Ágætis fólk þarna líka, 3 portúgalar og einhverjir rvk-ingar sem eru flestir klikk í höved en ágætir samt.

Jæja, Portúgal - Frakkaland, laters

Lag færslunnar : Doddi sveins - Wish you where here, live 2006

smá pása í vinnuni þannig að ég ákvað að setja upp tilkynningu um að ég er ená hérna einhverstaðar. Tölvan er enþá í messi þannig að ég nota bara vinnutölvuna í augnablikinu, ótrúlegt hvað það er nice að hafa ekki tölvuna heima, hún tróð sér alls staðar inn þegar maður hafði dauðan tíma og svo var ekki séns að komast frá henni aftur.. Hellingur búinn að gerast frá síðustu færslu, bubba tónleikar, staffaferð, bíllinn í verkfalli ofl ofl. Nýjustu fréttirnar eru hins vegar að Haddi var að koma í land, fór út að borða með honum á laugardaginn á Holtinu, hann var búinn að redda double dati fyrir okkur (sem ég heyrði samt alveg milljón sinnum að væri ekki alvöru date en ég tek ekkert mark á svoleiðis rugli ) en það féll allt upp fyrir því önnur komst ekki og þar með ekki hin heldur. Ég ætlaði ekkert að fjölyrða um það í vinnuni en Haddi var búinn að leka því í Gunna þannig að ég fékk ekki frið. Doddi kom með þá kenningu að það hefðu aldrei verið neinar stelpur í spilinu, Haddi væri bara að reyna að fleka mig og sagði mér að hlaupa ef hann mundi svo lítið sem minnast á herbergi.. en það kom ekki til þess sem betur fer. Ég tók þessu ekki liggjandi eftir að eineltið í vinnunni magnaðist og hringdi í Evu systur og bað hana að redda fyrir okkur einsog tvem þrem ofurfyrirsætum en einsog allt var að ganga þann daginn þá gekk það ekki, þær eru allar komnar með kærasta eða í london eða eitthvað álíka ómerkilegt. En við fórum þá bara tveir og það var helvíti fínt bara, tók sælkeraseðillinn sem eru 5 fyrirfram valdir réttir og það var allt alveg æðislegt nema foi gras unitið, er ekki alveg að meika það. Kíktum smá stund á Söru karls og Fanney frí og vinkonur áður en við fórum aftur uppá skaga. Fór svo í gær með Ingólfi Ágústi, Víði Jónasar og fleiri rugludöllum að steggja Pétur verðandi mág minn. Vöktum hann í hringum hálf tólf leitið og drógum hann útí heiðmörk eða einhvert í M16 lasertag og það var vægast sagt KLIKKAÐ. Víðir var útnefndur liðsstjóri camo liðsins (AKA mözdu morðingjarnir) því hann var með bestu Arnold frasana (og þeir fengu sko að fljúga). Þetta var rosaleg keyrsla og allir voru alveg búnir eftir þetta, ég er enþá með harðsperrur í lærunum. Víðir var samt það skammsýnn að taka ekki með sér aukaföt í þetta mission, en það var grenjandi rigning allan tíman. Hann fékk að launum að klæða sig úr hverri spjör og standa butt nakid í rigningunni og fara í skíðabuxur af systur ingó þangað til við komumst heim til péturs þar sem hann fékk lánuð fleiri föt. Eftir það fórum við á ógeðslegan kínverskan stað þar sem við átum kjúklingasoð og núðlur úr skítugum skálum með skítugum hnífapörum og drukkum vatn úr skítugum glösum. Kokkurinn var subbulegasta tævani sem ég hef séð, haltraði um allt einsog hann héti Igor og tróð sér inná milli okkar að setja hnífa og gafla (óumbeðinn) í súpuskálarnar okkar og rétta okkur servéttur með skítugu höndunum sínum.... nasty shit. Svo fórum við í HR klúbbinn þar sem ingó var búinn að reyna að redda einhverjum Heavy-weights í að boxa við pétur, en þeir þola ekki svona steggja júnit þannig að ingó fór sjálfur í hringinn. Þetta var mest brútal streetfight box sem ég hef séð og pétur tók gamla takta og buffaði ingo all svakalega, en ekki án þess að fá nokkra áverka sjálfur. Rosaleg stemning í húsinu, Halli melló tók lets get ready to rumble og Víðir var dómari, ég var hornamaður hjá pétri með stólinn og handklæðið og fötuna og alles. Þetta er allt til á vídjói og kannski ratar vel ritskoðuð útgáfa í brúðkaupið, aldrei að vita... En laters þarf að komast í mat

Sofa, vinna, skóli, sofa, vinna, skóli ( ekki endilega í þessar röð)

Öss, búinn að vera í uppskipun fyrir þþþ undanfarna daga, alveg monster hvað ég verð þreyttur á þessu. Þetta er einsog gocart í fleiri tíma stanslaust, lyftarinn hristist og hossast og maður verður að horfa í allar áttir einsog forvitnasti maður afganistan til að fá ekki einhvern í hliðina eða god forbid rassinn.

Farinn í hálsinum og öxlunum á því að keyra afturábak, óska eftir nuddi (nei sæli ekki þú)

Buttt anywho, mig er farið að dreyma heavy mikið undanfarið, aðalega mat samt því það er aldrei til neitt að borða hérna þegar ég fer að sofa.

Dreymdi í síðustu nótt að ég og kærastan mín værum í bootcamp hjá bandaríska hernum og okkur var gefið það hlutverk að finna liðhlaupa úr flokknum mínum í skógi (sem var skuggalega líkur skógræktinni). Ég fann hann reyndar ekki því vekjaraklukkan vakti mig, en ég var búinn að finna ipodinn hans þannig að það var ekki langt í það

Dreymir líka reglulega að ég sé í sundi í sundhöllinni, og mig dreymir líka alltaf sama drauminn um að vera eltur/elta einhvern í reykjavík, alltaf sömu leið að höfninni. Hefur dreymt þetta síðan ég var svona 7 ára þannig að ég veit alltaf einhvernveginn í draumnum hvert þetta liggur, en get aldrei gert neitt í því.

Þessi draumur breytist bara þegar ég fer að sofa heavy svangur eða þyrstur því þá brýst ég inn í búðir eða matsölustaði og borða og borða og borða

Passaði Söndru frænku um daginn í nokkra tíma, held að það sé það erfiðasta sem ég hef gert í þessum mánuði, ræktin og vinnan tekin með, þetta var rosalegt. Fötin mín voru öll útí vatni, jógúrti, rúsínum, serjósi og gúrku, svo ekki sé minnst á gólfið... öll flöt yfirborð á miðhæðinni, gluggakistur, borð, gólf, ALLT var þakið í drasli.

Það var bara ekki möguleiki fyrir mig að ráða við þetta kríli.  Eina sem ég vann mér til álits var að ég kom henni möglunarlaust í útifötinn og útí kerru, en um leið og hún fattaði að við vorum ekki að fara í göngutúr þá byrjaði sírenan.

Man þetta ekki nákvæmlega en ég held að ég hafi legið uppgefinn á gólfinu þegar Pétur loksins kom að ná í hana

jæja ég ætla að koma mér í rúmið, laters

Lag færslunnar: Steppenwolf - Magic Carpet Ride

( ) farið á blint stefnumót (x) logið að vini/vinkonu (x) skrópað í skólanum (ha? ég?) (?) horft á einhvern deyja (ekki séð neinn fara yfir mörkin enþá nei, en hægt og hægt) ( ) farið til Canada ( ) farið til Mexico (x) ferðast í flugvél (x) kveikt í þér viljandi (hehe, þorláksmessa? ) (x) borðað sushi ( ) farið á sjóskíði (x) farið á skíði (sem sagt í snjó) (x) hitt einhvern sem þú kynntist á internetinu (nokkra gaura sem ég spila með, ekkert djúsí) (x) farið á tónleika (x) tekið verkjalyf (x) elskar einhvern eða saknar einhvers akkurat núna (x) legið á bakinu úti og horft á skýin (x) búið til snjóengil ( ) haldið kaffiboð (hehehehe) (x) flogið flugdreka (ég og óli unnum flugdrekakeppni fva fyrir nokkrum árum hvorki meira né minna) (x) byggt sandkastala (x) hoppað í pollum ( ) farið í "tískuleik" (dress up) (x) hoppað í laufblaðahrúgu (x) rennt þér á sleða (x) svindlað í leik (bara á sjálfum mér) (x) verið einmana (x) sofnað í vinnunni/skólanum (vann við að sofa á kaffistofu í sementinu, sofnaði í fyrsta prófinu mínu í fjölbraut) (x) notað falsað skilríki (einu sinni) (x) horft á sólarlagið (x) fundið jarðskjálfta (x) sofið undir berum himni (verslunarmanna helgar aðalega en samt ekki einvörðungu) (x) verið kitluð/kitlaður (x) verið rænd/rændur (síðast í desember, 14þ kalli) (x) verið misskilin/n (ha? ég? skilja mig ekki allir?) (x) klappað hreindýri/geit/kengúru (geit, allaveg eina sem var lifandi á meðan á því stóð) (x) farið yfir á rauðu ljósi/virt stöðvunaskyldu að vettugi ( ) verið rekin/n eða vísað úr skóla (x) lent í bílslysi ( ) verið með spangir/góm (x) liðið eins og þú passaðir ekki inn í/þriðja hjól undir vagni  ( ) borðað líter af ís á einu kvöldi (x) fengið desja vu (kemur fyrir já, en alltaf sjaldnar og sjaldnar) (x) dansað í tunglskininu (hehe, jebb) (x) fundist þú líta vel út (sjaldnar en ég hef dansað í tunglskininu) (x) verið vitni að glæp (jafnvel framið : (x) efast um að hjartað segði þér rétt til ( ) verið gagntekin/n af post-it miðum (þið vitið - þessum gulu) (say whaaa) (x) leikið þér berfætt/ur í drullunni (x) verið týnd/ur (x) synt í sjónum (x) fundist þú vera að deyja (jebb, dabbi var með mér ) (x) grátið þig í svefn :\\ (x) farið í löggu og bófa leik (x) litað nýlega með vaxlitum (x) sungið í karaókí (bara í partyi, ekki á alvöru) (x) borgað fyrir máltíð eingöngu með smápeningum (máltíð verandi langloka og kók) ( ) gert eitthvað sem þú lofaðir sjálfri/sjálfum þér að gera ekki (ehh, ekki nýlega held ég) (x) hringt símahrekk (síðast í DV þegar ég var í þriðja bekk) (x) stungið út tungunni til að ná snjókorni (x) dansað í rigningunni (?) skrifað bréf til jólasveinsins (ekki alveg viss, mamma veit það ábyggilega) ( ) verið kysst/ur undir mistilteini (x) horft á sólarupprásina með einhverjum sem þér þykir vænt um (x) blásið sápukúlur (x) kveikt bál á ströndinni (good times, good times) (x) komið óboðin/n í partý (ekki óvelkominn samt ) ( ) verið beðin/n um að yfirgefa partýið sem þú komst óboðin/n í (x) farið á rúlluskauta/línuskauta ( ) hefur einhver óska þinna ræst (engin stór nei) (x) farið í fallhlífastökk (Hittumst handan hemru frikkz) ( ) hefur einhver haldið óvænt boð fyrir þig (nei, koma svo fólk ) ( ) pissað úti (ojj bara nei)

Söpp jó

Langt síðan ég bloggaði síðast, greinilega bara stelpur sem lesa þetta blogg, eða allavega bara stelpur sem vilja að ég haldi því áfram. En who needs em

Fór í bíó um daginn með hadda, varð mér til skammar á kínverskum veitingarstað fyrir sýninguna með því að sleppa mér í hlátri yfir konu sem vann þarna, hef ekki lent í öðru eins síðan ég var lítill, bara gatt ekki hætt að hlægja að grey konunni sem gerði ekkert annað af sér en að tala skringilega :/ og bara til að hafa það á hreinu þá var haddi ekkert betri ! minnti mig alveg rosalega á vídjóið af þarna búmerang þættinum sem var í tísku rétt fyrir áramót.

Fékk helling af símtölum/sms-um um helgina varðandi hvað bíllinn minn var að gera í mosó, sagan er sú að ég var að skutla yngstu syst í fermingarundirbúning fyrir sunnan og bíllinn minn sem er sannkristinn sagði bara nei við því að taka þátt í þessari vitleysu og reyndi að fremja sjálfsmorð.

Ég og sóla tókum smá gönguferð í mosó, sá einhverja bíla sem ég þekkti og heilsaði þeim, sá samt engan á leiðinni heim á skaga þannig að ég var ekkert að reyna að stoppa þá. Eftir svona 3 mínútna göngu þá hringdi katrín í mig og spurði mig hvað ég væri að gera þarna, þá höfðu hún og sara keyrt fram hjá mér fyrir nokkrum mínútum en þær héldu að ég væri að hitta stelpu í mosó og hefði lagt þarna til að láta ekki sjá bílinn minn nálægt heimili hennar.... held að það mætti alveg fara að setja takmarkanir á hversu margar sápur má horfa á á einni ævi

Þær skutluð mér s.s. heim (takk sara mín :*) og katrín sýndi mér nýja tattúið sitt (mynd af henni í blaðinu í dag by the way) og sara fékk sér gat í naflan, alveg kreisí að hleypa þeim einum í bæinn.

Fór í frumsýningarparty á laugardaginn, fékk nokkur vel valin flashbacks í því, langt síðan ég hef farið í rústparty og hvað þá þar sem bara tæpur helmingur var ekki að spúa upp verðmætum bjór og matvælum. MAN hvað ég er feginn að hafa ekki þurft að þrífa þennan stað.

Mamma og pabbi komu frá þvottabæ nálægt kólembíu í sameinuðu ríkjum vínlands í morgun, fá stóran mínus fyrir að hafa ekki keypt örðu af nammi í fríhöfninni en smá plús fyrir að hafa keypt nokkrar terry pratchett fyrir mig og sólu og alveg eðal safn af nostralgíu dvd (t.d gremlings og the dark crystal)

En ég er sáttur við lífið, tilveruna, hadda og bara flesta.

Gúdnægt

lag færslunnar ber þann frumlega titil "lag 14" og er með nýdönsk, hef ekki hugmynd um hvað það heitir í alvörunni, nenni ekki að gá

hér með klukka ég, kítla, og bara allt hana Unni smára, því hún er búinn að vera svo útundan

Mátt svara öllum svona trend spurningalistum í heiminum núna!

GO WILD !!!111!

nýr dagur, nýtt trend, thx edit

4 störf sem ég hef unnið um æfina

1. Sementið - lyftara, fylla á bíla, útskipun

2.Galito-67 - Sendill, hamborgarasnúari, bakari, ofnamaður, símadama, uppvask, kokkur, allsherjar everything.. nema servétta

3. Uppskipun fyrir gísla jóns

4. draga í hús með pabba in the olden days

4 bíómyndir sem ég get horft á aftur og aftur

1. Starship Troopers

2. Almost famous

3. Dazed and confused

4. Anchorman

4 staðir sem ég hef búið á

1. Vesturvallagata

2. Hringbraut

3. Nökkvavogur

4. Háteigur

4 sjónvarpsþættir sem mér líkar

1. Lost

2. Who´s line is it anyway

3. Það var lagið hehe

4. American Dad

4 síður sem ég skoða daglega (fyrir utan blog)

1. http://www.leikur1.is/playflash.php?gameID=168

2. http://www.illwillpress.com/vault.html

3. http://www.wulffmorgenthaler.com/

4. http://www.weebls-stuff.com/

4 staðir sem ég hef heimsótt í fríum

1. Algarve portugal

2. Tenerife kanarí

3. Milan ítalíu

4. Kävlinge svíþjóð

4 matarkyns sem ég held uppá

1. Margarita

2. Lasagne a la mamma

3. Nautalund, enþá blæðandi, engin sósa

4. hrefna

4 staðir sem ég vildi heldur vera á núna

1. Vatikanið

2. Sturtu

3. Hróarskeldu

4. Ástralíu, anywhere

4. Bloggarar sem ég klukka

1. Eva sys

2. Katrín

3. Davíð

4. Haddi bakan

sama regla og síðast, hver kannast við topicið ólíklegt að arnar kannski við þennan texta reyndar, hehe

Var að klára að vinna, skrítinn vinnudagur.. malla púllaði ógeðslegan hrekk á mig, var með vont bragð í munninum alla vaktina þó að ég æti heilan pakka af mentos : / MAN hvað ég á eftir að hefna mín ! !

var plataður í að vinna á laugardaginn, bara heimsending og maðurinn sem var ráðinn til að ég og dabbi gætum fengið helgarfrí verður bara sendill. iss piss

Sæli fór veikur heim í kringum sjö og jón þruma (HERO IN DISGUISE) tók við af honum.

Júlli er ekkert betri en ég með að láta plata sig í vinnu, hann er að fara að mæta klukkan fjögur í nótt að gera snittur þangað til hann þarf að mæta í skólan og svo mætir hann að baka beint úr skólanum. Greinilega kominn inní vinnuskipulagið okkar

Bjargey fékk afmælisgjöfina sína áðan, hehe, rosalega stoltur af því framtaki mínu, enda barbershop quartets svo málið í dag (einsgo kom fram í fyrri færslu hérna fyrir neðan)

Ég á rómantískt date við hadda á morgun ef hann verður ekki of upptekinn, getum samt ekki farið á galito einsog við ætluðum þannig að höfuðborgin verður líklega fyrir valinu, spurning hvernig við ferðumst þangað og til baka aftur.. en það er seinni tíma vandamál, svo er strætó líka kominn hingað og alles.

Laterrrrrrrrr

Lag færslunar: Bianco - Happy birthday

Ps.special thanks til jófríðar fyrir að aðstoða við samsærið mitt

Ég get ekki ákveðið mig hvað ég ætla að verða þegar ég verð stór og eftir miklar umræður um það við systur mínar sem eru næst mér í aldri þá hef ég ákveðið að verða bara allt.

Ég ætla að byrja á lyfjafræði og finna upp pillu þannig að ég lifi að eilífu þannig að ég geti lært allt.

Fer í það beint eftir rafvirkjunina.

Bam búm, straight to the moon!

Lag færslunnar: Tom Waits - I dont want to grow up

Síðasta helgi var bara helvíti nice, náði loksins að horfa á Victorias Secret með braga og katrín kjútípæ og það var awesome! Ætla að verða nógu ríkur einhvern daginn til að mæta á eina svona sýningu, 2056 eða eitthvað með þessu áframhaldi..

Anywho, ætluðum svo á mörkina en það var BIÐRÖÐ fyrir utan hana og mér finnst ekki það geðveikt að hanga í myrkri og reyk með sveittum pólverjum hlustandi á næntís hallæris að ég fari að hanga í roki og rigningu fyrir utan.

Þannig að við fórum bara hingað heim, dabbi og birkir komu fljótlega eftir það og frikki kíkti smá líka, spekkuðum bara american dad og höfðum það nice.

Lánaði dabba flakkarann minn þegar hann fór til að fá nokkra þætti og svona hjá honum og er ekki enþá kominn með hann aftur þannig að ég er alveg tónlistarlaus og fatlaður, er reyndar með 5 lög núna sem er framför frá 3 síðast.

Lög færslunnar: Otis Redding - Sitting on the dock of the bay & Four Tops - Walk away Reneé

Þetta eru þau lög sem hafa bæst í safnið mitt

100 kall fyrir þann sem veit úr hvaða lagi titillinn er, bannað að googla (og nota aðrar leitarvélar)

man hvað ég er þreyttur, held að ég hafi notað alla orkuna fyrir vikuna í gær bara.. vonandi ekki, þá þarf ég að overdose-a á magic og xorku næstu daga. Held að maginn á mér höndli það ekki.

Hafliði var veikur í dag, í fyrsta sinn síðan ég byrjaði í rafvirkjun held ég. Hann fékk reyndar í bakið fyrir ári síðan en ég tel það ekki með.

Skelfilegir þessir raf kennarar, aldrei veikir. Held að Hjálmur hafi misst út í mesta lagi 4 daga vegna veikinda á minni veru á rafbraut og Hörður kallinn eitthvað svipað, þangað til hann fékk móður allra veikinda karl anginn.

Flemming og pabbi eru svona í meðallagi sem betur fer maður verður að fá smá pásur.

Haukur óli er með mér í tímum núna, honum var laumað inn undir radarinn hans Hjálms. Held að þeir séu skotnir í hvor öðrum.. þeir eru allavega voðalega skrítnir í kringum hvorn annan.

Hitti braga í kvöld, í fyrsta sinn síðan ég veit ekki hvenar.. langt inní síðasta ár allavega.  Ef vaktirnar mínar hittast rétt á og ég fæ frí á laugardag þá held ég að það sé ekkert annað en bara Victory Secret og bjór, og smá gusgus á eftir

later...

Lag færslunar: Kings Singers - Lady Madonna

Barbershop quartets eru svo málið í dag

Ég sakna jeppans hennar ásu alveg rosalega í svona veðri   Sem betur fer eru samt fleiri á svoleiðis og ég náði að húkka mér far með sæla eftir skóla og við fórum að jeppakallast

Keyrðum yfir snjóskafla, drógum gamlar konur upp úr sköflum, spóluðum í hringi og lögðum karlmannlega, alveg heavy gaman

Hitti systur afa dodda áðan og hún lofaði mér pönnukökum á himnaríki, þannig að við sæli urðum heavy svangir og fórum og fengum okkur sjeik, ekkert annað að gera í svona blíðu

Ágætis byrjun á degi, ágætis byrjun á viku, er á undan áætlun í skólanum í fyrsta sinn síðan í 6 bekk og er ekki búinn að fá eitt skróp síðan ég kom heim, kannski ég sé loksins búinn að hrista af mér skammdegisþunglyndið

Well, vinna...

Lög færslunnar: Elton john - tiny dancer, ingram hill- more than a feeling og gugus - david

Þau fá þennan heiður því þetta eru einu 3 lögin í tölvunni minni at the moment því litla systir mín stal flakkaranum..

Öss, þvílík keyrsla... ég er í dag í fyrsta sinn edrú síðan að morgni 29 desembers, s.s. fyrsti dagurinn á þessu ári þar sem ég sé stelpur ekki alveg jafn sætar og er nokkuð viss um að ég geti barið alla breta sem ég hitti

Þeir sem þekkja mig vita hvað ég er ofbeldisfullur undir áhrifum, veit allavega um eina birkihríslu á akureyri sem verður aldrei söm aftur.

Ekki það að það hafi verið eitthvað vésen með bretana, þvert á móti þá á ég núna besta vin í middlesbrough sem er í félagsskap sem kallar sig því gagnkynhneigða nafni "The butter boys" og segir að allt england, meira að segja chealse séu hræddir við þá.

Held samt að hann hafi verið snar ruglaður, en hann gaf mér pizzu

Nú er það bara að telja saman skaðan og reyna að drullast til að vakna í skólan á morgun, því nú heldur lífið áfram einsog venjulega..öss

Er ekki við, þeim sem nauðsynlega þurfa að ná í mig er bent á tengilið minn á jörðinni, benedikt sextánda.

Tenerife hell yeah